Oklahoma မြို့တော် ဆင်ခြေဖုံးအရပ်မှာရှိတဲ့ မိုးရ် အရပ်မှာ ဖော်ထုတ်ရရှိတဲ့ သေဆုံးသူ အလောင်း အရေအတွက် ၂၄ ယောက်ရှိတယ်လို့ ပြောပါတယ်။
အစောပိုင်းတုန်းကတော့ ၅၁ ဦး သေဆုံးတယ်လို့ သတင်းထုတ်ပြန်ခဲ့တာပါ။ တနင်္လာနေ့ လေဆင်နှာမောင်း တိုက်ခတ်ခဲ့ပြီးတဲ့နောက် သေဆုံးတဲ့သူ အရေအတွက်ကို ၂ ကြိမ် ရေတွက်ခဲ့တာလို့ ဆိုပါတယ်။ ထိခိုက်ဒဏ်ရာရသူ အရေအတွက်ကတော့ ၂၄၀ ရှိပါတယ်။
ကူညီကယ်ဆယ်ရေး လုပ်သားတွေက စာသင်ကျောင်း အပျက်အစီးအောက်ကနေ အသက်မသေဘဲ ကျန်ရစ်နေတဲ့ ကလေးတွေ အများအပြားကို ဆွဲထုတ် ကယ်ဆယ်နေကြပါတယ်။ စာသင်ကျောင်း ၂ ကျောင်း ပျက်စီးသွားခဲ့တာပါ။
ထိခိုက်သေဆုံးနေတဲ့ ကလေးတွေ ဆွဲထုတ်ကယ်ဆယ် ရှာဖွေနေတာကို စိတ်ပူပင်စွာ စောင့်ကြည့်နေကြတဲ့ မိဘတွေကို ကြည့်ပြီး ရင်ထုမနာ ဖြစ်ရတဲ့အကြောင်း Oklahoma ပြည်နယ် အုပ်ချုပ်ရေးမှူး မယ်ရီ ဖေါလင်း (Mary Fallin) က ပြောပါတယ်။
ရဲတပ်ဖွဲ့နဲ့ အမျိုးသား ကာကွယ်ရေးတပ်ကို အကူအညီပေးဖို့ တာဝန် ပေးထားကြောင်းလည်း မစ္စစ် မယ်ရီ ဖေါလင်း က ပြောဆိုပါတယ်။
Myanmar Kyat Converter
0 comments:
Post a Comment