ရွေးကောက်ပွဲကျင်းပဖို့ မလေးရှားလွှတ်တော်ဖျက်သိမ်း

မလေးရှားနိုင်ငံမှာ ရွေးကောက်ပွဲတွေ ပြန်လုပ်နိုင်ဖို့ လွှတ်တော်ကို ၀န်ကြီးချုပ် နဂျစ် ရာဇတ် (Najib Tun Razak) က ဖျက်သိမ်းလိုက်ပါတယ်။ လာမယ့် ရွေးကောက်ပွဲဟာ မလေးရှားနိုင်ငံမှာ ဆယ်စုနှစ် ၆ ခုနီးပါး အာဏာချုပ်ကိုင်လာတဲ့ အာဏာရ ညွန့်ပေါင်းအဖွဲ့အတွက် စိန်ခေါ်အကဲစမ်းမှုလည်း ဖြစ်လာနိုင်ပါတယ်။


မနေ့ကလုပ်တဲ့ ရုပ်သံကနေ ပြောတဲ့ မိန့်ခွန်းမှာတော့ သူတို့ အမျိုးသားတပ်ဦး ညွန့်ပေါင်းအစိုးရအနေနဲ့ အောင်မြင်မှုတွေကို ၀န်ကြီးချုပ် ရာဇတ် က ချီးကျူးအောင်ပွဲ ခံ ပြောဆိုပါတယ်။ လာမယ့် ရွေးကောက်ပွဲကနေ ခိုင်မာအားကောင်းတဲ့ ကိုယ်စားလှယ် ထွက်လာမယ်လို့လည်း သူ မျှော်လင့်တဲ့အကြောင်း ပြောပါတယ်။

နိုင်ငံရေးအကဲခတ်တွေရဲ့ သုံးသပ်ချက်အရဆိုရင်တော့ ဒုတိယ ၀န်ကြီးချုပ်ဟောင်းဖြစ်တဲ့ အန်န၀ါ အီဗရာဟင် (Anwar Ibrahim) ရဲ့ ၃ ပါတီညွန့်ပေါင်းအဖွဲ့ဟာ အလားအလာ အတော်လေး ကောင်းနေပါတယ်။

၂၀၀၈ ခုနှစ် စစ်တမ်းတွေအရလည်း အဲ့ဒီအတိုက်အခံ ညွန့်ပေါင်းအဖွဲ့ဟာ အာဏာရ ညွန့်ပေါင်းရဲ့ နေရာအတော်များများမှာ အနိုင်ရ လွှမ်းမိုးထားပါတယ်။ မကြာခင် လာမယ့် သီတင်းပတ်တွေအတွင်းမှာတော့ ရွေးကောက်ပွဲရက်ကို ရွေးကောက်ပွဲကော်မရှင်က သတ်မှတ်ကြေညာမယ်လို့ မျှော်လင့်ရပါတယ်။

မလေးရှား ဖွဲ့စည်းပုံအရဆိုရင်တော့ လွှတ်တော်ဖျက်သိမ်းပြီး ၂ လအတွင်းမှာ
ရွေးကောက်ပွဲကို ကျင်းပရမှာ ဖြစ်ပါတယ်။

Posted in: နိုင်ငံတကာသတင်း