Thursday, 8 May 2014
Sunday, 4 May 2014
မလေးမှာ မြန်မာအလုပ်သမား ၄၀ ကျော် အဖမ်းခံရ
ကွာလာလမ်ပူမြို့နဲ့ ၁၂မိုင်အကွာ ဖူချောင်းအရပ်ဒေသမှာရှိတဲ့ Tesco စူပါမားကက်နားက ညဥ့်နက်ပိုင်းဖွင့်တဲ့ စားသောက်ဆိုင်တန်းကို မလေးရဲနဲ့ လ၀က အင်အားစုက ရှောင်တခင် ၀င်ရောက် စစ်ဆေးရင်း မြန်မာနိုင်ငံသားတွေ နဲ့ အခြားနိုင်ငံခြားသား အလုပ်သမားတွေကို စနေည သန်းခေါင် အချိန်မှာ ဖမ်းဆီးသွားခဲ့တာဖြစ်ပါတယ်။ အဖမ်းခံရသူတွေထဲမှာ မြန်မာနိုင်ငံသား အလုပ်သမား(၄၀)ကျော်ပါသွားတယ်လို့ အလုပ်သမားရေး ကူညီ ဆောင်ရွက်နေတဲ့ ကိုလတ်က VOAကို ပြောပါတယ်။
"ည ၁၂နာရီခွဲမှာ အင်မီဂရေးရှင်းနဲ့ ရဲတွေ လာဖမ်းသွားတယ်။ လာဖမ်းသွားတဲ့ အကြောင်းအရင်းကတော့ သူတို့ အော်ပရေးရှင်းလုပ်တာပေါ့။ အဲ့လာဖမ်းတော့ တိုင်ဘားမှာ လုပ်နေတဲ့ ရောင်းနေတဲ့ မြန်မာတွေ ပါသွားတယ်။ အဓိက ဝင်သွားတာကတော့ စားသောက်ဆိုင်ကို ဝင်သွားတာ။ လောလောဆယ် ပြန် လွတ် လာတယ်။ မလာဘူးဆိုတဲ့ သတင်းက ကျနော်တို့ ပြန်မရသေးဘူး။ ခန့်မှန်းခြေ ဘယ်လောက်လောက်ပါသွားမလဲဆိုတော့ မြန်မာက ၄၀၊ ၅၀လောက်တော့ ပါမယ်ခင်ဗျ။ ဘာဖြစ်လို့လဲ ဆိုတော့ မြန်မာတွေ စည်တဲ့နေရာလေဗျာ။ တိုင်းရင်းသားတွေ အားလုံးရှိကြတယ်။"
အဖမ်းဆီးခံရသူတွေရဲ့ နောက်ဆုံးအခြေအနေကိုတော့ မသိရသေးပါဘူး။ သူတို့ ရင်ဆိုင်ရမယ့် အခြေအနေတွေနဲ့ပတ်သက်ပြီး ကိုလတ်က ပြောပြပါတယ်။
"ဘာတွေဆက်ဖြစ်နိုင်မလဲဆိုတော့၊ UNHCR ကဒ်အတုကိုင် ထားတဲ့သူတွေ၊ လောလောဆယ် ကမ့်ထဲကို သွားရမယ်။ ထောင်သုံးလကျမယ်။ ကြိမ်ဒဏ် ပါရင်လည်း ပါမယ်။ အဲ့ဒီ့အထဲမှာ တချို့ကတော့ ဘာမှ မရှိဘူးဆိုရင် သေချာပေါက် ကတော့ သုံးလနဲ့ ကြိမ်ဒဏ်ပါသွားပြီ။ ဘာ Document မှ မရှိတဲ့ သူတွေအတွက်ကတော့ အခြေအနေ တော်တော်ဆိုးပါတယ်။ ဒီဟာတွေအားလုံးကို မြန်မာသံရုံးအနေနဲ့ စိစစ်ပြီးတော့ ကူညီ ပေးမယ်ဆိုရင်တော့ သူတို့အတွက် မျှော်လင့်ချက် နည်းနည်းရှိတာပေါ့။"
အဖမ်းဆီးခံ မြန်မာရွှေ့ပြောင်း အလုပ်သမားအရေးနဲ့ ပတ်သက်လို့ မြန်မာ သံရုံးဖက်က ဆောင်ရွက်ပေးတဲ့ အနေအထားကို ကိုလတ်က ရှင်းပြပါတယ်။
" ဖမ်းသွားပြီးတဲ့အခြေအနေမျိုးမှာ သူတို့က ပြန်ထုတ်ပေးတယ်။ ဒါကလဲ အပြင်ကလူတွေ လိုက်ပြီး လုပ်မှပါ။ သူတို့နဲ့ပတ်သက်ရာ၊ ပတ်သတ်ကြောင်း ဆွေမျိုးအသိုင်းအဝိုင်းတွေက လိုက်လုပ်ပြီး CI သွားလျှောက်ပေးတာတို့၊ ကိစ္စတွေ အားလုံး လုပ်ပေးမှပဲ၊ သူတို့လုပ်ပေးနိုင်တဲ့ အတိုင်းအတာရှိပါတယ်။ ဒီမှာရှိနေတဲ့ မြန်မာ အလုပ်သမားတွေ ကိစ္စနဲ့ပတ်သက်လို့ရှိရင် ဘာလိုခေါ်မလဲ တာဝန်ယူခြင်းဟာ ၅၀% တောင် မရှိပါဘူး ခင်ဗျာ။ သံရုံးက တာဝန်မယူတာကိုပြောတာ။ ကျနော်တို့ ဒီနိုင်ငံမှာက လောလောဆယ်က ဗီဇာသတ်သတ် မသတ်သတ် တစ်လ ကို ပုံမှန်သုံးသိန်းလောက် ရှာလို့ရတယ်။ မြန်မာပြည်မှာ မရမယ့်အတူတူ သူတို့က ဒီမှာအဲ့တာတွေကို ခံစားပြီးတော့ ကြိတ်မှိတ်ပြီးတော့ လုပ်နေကြတာ။"
မြန်မာသံရုံး သဘောထားကိုသိနိုင်ဖို့ VOA ဆက်သွယ်ပေမယ့် ရုံးပိတ်ရက်ဖြစ်နေ တာကြောင့် အဆက်သွယ်မရခဲ့ပါဘူး။ မလေးရှားအစိုးရက တရားမ၀င် အလုပ်သမားတွေ မိမိနိုင်ငံပြန်ကြဖို့နဲ့ မပြန်ပဲ ရှာတွေ့ခဲ့ရင် ဖမ်းဆီး အရေးယူမယ်လို့ ဒီနှစ်ဆန်းပိုင်းကတည်းက ကြေညာထားတာပါ။
ဒါပေမယ့်လဲ မလေးရှားခရီးသည် တင်လေယာဉ်ပျောက်ဆုံးချိန် ကစလို့ ရွှေ့ပြောင်းအလုပ်သမားတွေ ရှာဖွေဖမ်းဆီးမှု ခေတ္တရပ်တန့်သွားခဲ့ပြီး အခုရက်ပိုင်းတွေမှာ အဖမ်းအဆီးတွေ ပေါ်လာနေတာပါ။
အလုပ်ပွဲစားကတဆင့် CALLING ဆိုတဲ့အစီအစဉ်နဲ့ မလေးရှားမှာ လာရောက် အလုပ်လုပ်နေသူ မြန်မာနိုင်ငံသား (၁)သိန်းခွဲ ၀န်းကျင်လောက်ရှိပြီး ၊ တရားဝင်ရော တရားမ၀င်ပါ အားလုံးစုစုပေါင်း မြန်မာနိုင်ငံသား ၃သိန်း နီးပါး မလေးရှားနိုင်ငံမှာ အလုပ်လုပ်နေကြတယ်လို့ လူ့အခွင့်အရေးလှုပ်ရှားသူတွေက ခန့်မှန်းထားကြပါတယ်။
Friday, 6 September 2013
အမေရိကန်-မြန်မာ မူးယစ်တိုက်ဖျက်ရေး ပူးပေါင်းဆောင်ရွက်နေ
့မြန်မာနဲ့အမေရိကန် နှစ်နိုင်ငံအကြား မူးယစ်ဆေးဝါး တိုက်ဖျက်ရေး လုပ်ငန်းတွေကို ပြန်ပြီး ပူးပေါင်း ဆောင်ရွက်သွားတော့မှာဖြစ်ပြီး မြန်မာနိုင်ငံက တရားဥပဒေစိုးမိုးရေး လုပ်ငန်းတွေအတွက်လည်း အမေရိကန်ပြည်ထောင်စုက သင်တန်းပို့ ချပေးမှာဖြစ်တယ်လို့ အမေရိကန်နိုင်ငံခြားရေးဌာန အဆင့်မြင့် တာဝန်ရှိသူတစ်ဦးက ပြောလိုက်ပါတယ်။ သုံးရက်ကြာ ခရီးစဉ် တစ်ခုနဲ့ မြန်မာနိုင်ငံမှာရောက်နေတဲ့ အမေရိကန်နိုင်ငံခြားရေးဌာန မူးယစ်ဆေးဝါး ထိန်းချုပ်ရေးနဲ့ တရားဥပဒေ ထိန်းကျောင်း ရေးဆိုင်ရာ လက်ထောက်နိုင်ငံခြားရေးဝန်ကြီး William Brownfield က အဲဒီလို ပြောလိုက်တာပါ။ ခရီးစဉ်အဆုံးမသတ်ခင် လက်ထောက်ဝန်ကြီး Brownfield ရန်ကုန်မြို့မှာ သတင်းမီဒီယာတွေနဲ့ တွေ့ဆုံပွဲကို ကိုယ်တိုင်သွားခဲ့တဲ့ ကိုဇော်ဝင်းလှိုင် က သတင်းပေးပို့ထားပါတယ်။
မူးယစ်ဆေးဝါး တိုက်ဖျက်ရေးလုပ်ငန်းတွေမှာ နှစ်နိုင်ငံ ပူးတွဲလုပ်ဆောင်ကြမယ့် အစီအစဉ်တွေကို ဝန်ကြီးအဆင့်ရှိသူတွေနဲ့ နေပြည်တော်မှာ ဆွေးနွေးဖြစ်ခဲ့သလို မြန်မာနိုင်ငံက တရားဥပဒေစိုးမိုးရေး လုပ်ငန်းတွေအတွက် အမေရိကန်ပြည်ထောင်စုက သင်တန်းပို့ချပေးမယ့် အစီအစဉ်တွေကိုလည်း မြန်မာနိုင်ငံရဲချုပ်နဲ့ ဆွေးနွေးဖြစ်ခဲ့တယ်လို့ လက်ထောက်ဝန်ကြီး William Brownfield က ဒီကနေ့ ရန်ကုန်မြို့ အမေရိကန်သံရုံးမှာ သတင်းထောက်တွေကို ဖိတ်ကြားပြီး ပြောခဲ့တာပါ။ မူးယစ်ဆေးဝါးတိုက်ဖျက်ရေးလုပ်ငန်းတွေနဲ့ ပတ်သက်လို့တော့ နှစ်နိုင်ငံ ပူးပေါင်းဆောင်ရွက်မှုတွေကို စတင်နေပြီဖြစ်တယ်လို့ သူက ပြောပါတယ်။
"ပထမဆုံး ကျနော် ပြောချင်တာကတော့ အခုနှစ်အတွင်း နှစ်နိုင်ငံအကြားမှာ အကန့်အသတ်နဲ့ လုပ်ငန်းတွေကို စတင်နေပြီ ဖြစ်ပါတယ်။ အခုနှစ် အစပိုင်းတုန်းက အမေရိကန်ပြည်ထောင်စုနဲ့ မြန်မာအစိုးရအကြား ဘိန်းစိုက်ပျိုးမှုနဲ့ဆိုင်တဲ့ လေ့လာရေး အစီအစဉ်တခုကို စတင် လုပ်ဆောင်ခဲ့ပါတယ်။ အဲဒီအစဉ်ဟာ မြန်မာအစိုးရအတွက်ရော အမေရိကန်ပြည်ထောင်စုအပါအ၀င် နိုင်ငံတကာ အသိုင်းအဝိုင်းအတွက် ဘိန်းစိုက်ပျိုးမှု ဘယ်လောက်ရှိတယ်၊ ဘိန်းထုတ်လုပ်မှုဘယ်လောက်ရှိတယ်၊ ဘယ်နေရာက အဓိက ထုတ်လုပ်နေတယ်ဆိုတာကို အကြမ်းဖျဉ်း သိနိုင်ဖို့အတွက် ၁၀ နှစ်အတွင်း ပထမဆုံးကြိမ် ပြုလုပ်တဲ့ အစီအစဉ်ဖြစ်ပါတယ်။ ခက်ခဲပြီး ရှုပ်ထွေးတဲ့ အစီအစဉ်တရပ် ဖြစ်ပါတယ်။"
ဘိန်းစိုက်ပျိုးမှု တိုက်ဖျက်ရေးလုပ်ဆောင်တဲ့နေရာမှာ နိုင်ငံတကာ အသိုင်းအ၀ိုင်းရဲ့ ကူညီပံ့ပိုးမှုလိုအပ်တာကိုလည်း လက်ထောက်ဝန်ကြီး Bownfield က ထောက်ပြ ပြောဆိုသွားပါတယ်။
"လွန်ခဲ့တဲ့ နှစ် ၄၀ အတွင်း ကျနော်တို့ ရရှိလိုက်တဲ့ သင်ခန်းစာကတော့ တိုင်းပြည်တခုတည်း ဒေသတခုတည်းကို အာရုံစိုက် လုပ်ဆောင်လို့ မရနိုင်သလို အကြောင်းအရာတခုတည်းကိုလည်း အာရုံစိုက်ပြီး လုပ်ဆောင်လို့ မရနိုင်ပါဘူး။ မူးယစ်ဆေဝါးမှောင်ခို ကူးသန်းမှုကို တိုက်ဖျက်တဲ့နေရာမှာ အတတ်နိုင်ဆုံး အများစုနဲ့ ပူးပေါင်း လုပ်ဆောင်ဖို့ လိုအပ်ပါတယ်။ ကုလသမဂ္ဂလို နိုင်ငံတကာ အဖွဲ့အစည်းတွေရဲ့ ပူးပေါင်းဆောင်ရွက်မှု လိုအပ်သလို တိုင်းပြည်တခုချင်းစီကလည်း ပါဝင်လုပ်ဆောင်ဖို့ လိုအပ်ပါတယ်။”
မြန်မာအစိုးရနဲ့ အမေရိကန်တို့ အသစ်တဖန် ပြန်လည် လုပ်ဆောင်ကြမယ့် မူးယစ်ဆေးဝါး တိုက်ဖျက်ရေး လုပ်ငန်းစဉ်တွေမှာတော့ အတိတ်သင်္ခန်းစာတွေကို နမူနာယူပြီး အစီအစဉ်သစ်တွေကို ချမှတ် လုပ်ဆောင်သွားမှာဖြစ်တယ်လို့ လက်ထောက်ဝန်ကြီး Brownfield က ပြောပါတယ်။
အဓိကအားဖြင့် ဘယ်လုပ်ငန်းတွေကို လုပ်ဆောင်မယ် ဆိုတာနဲ့ပတ်သက်လို့ အမေရိကန်နဲ့ မြန်မာအစိုးရ နှစ်ဖက်စလုံးက သဘောတူညီဖို့ လိုတဲ့အကြောင်း၊ စီမံချက်တွေ မအောင်မြင်ပဲ ဘေးချော်သွားတာမျိုး မဖြစ်ရလေအောင် သတိထားပြီး အကျိုးဖြစ်ထွန်းတဲ့ စီမံကိန်းဖြစ်ဖို့ ချဉ်းကပ် လုပ်ဆောင်မှာ ဖြစ်တဲ့အကြောင်း၊ အစိုးရအောက်မှာရှိတဲ့ အဖွဲ့အစည်းအားလုံးနဲ့ ပူးပေါင်းဆောင်ရွက်သွားမှာ ဖြစ်တဲ့အကြောင်း ပြောပါတယ်။
မြန်မာနိုင်ငံက အဓိက ဘိန်းထွက်တဲ့နေရာလို့ သတ်မှတ် ပြောဆိုနေကြတဲ့ ရှမ်းပြည်နယ်နဲ့ တရုတ်နိုင်ငံတို့ နယ်နိမိတ်ခြင်း ထိစပ်နေတာက တကြောင်း၊ အခုနောက်ပိုင်း မူးယစ်ဆေးဝါးတွေကို တရုတ်နိုင်ငံဘက်ကလှည့်ပြီး နိုင်ငံတကာကို တင်ပို့နေတယ်ဆိုတဲ့ သတင်းတွေ အတော်များများ ထွက်ပေါ်နေတာတွေကြောင့် ဒီကိစ္စမှာ တရုတ်နိုင်ငံရဲ့ ပါဝင်ပတ်သက်မှုကလည်း အရေးပါတဲ့ အခန်းကဏ္ဍမှာ ရှိနေတာပါ။
"တရုတ်အစိုးရနဲ့ ကျနော်တို့အကြား ပြောဆိုဆွေးနွေးမှုတွေအရကတော့ နယ်စပ်ဒေသကနေ မူးယစ်ဆေးဝါး သယ်ယူနေမှုတွေ တိုက်ဖျက်ဖို့ အတွက် သူတို့အနေနဲ့ လိုလားတယ်ဆိုတာကို ပြောပါတယ်။ သူတို့ ပြောတယ်ဆိုတာကလည်း မြန်မာနိုင်ငံတခုတည်းအတွက် ကွက်ပြီး ပြောတာမဟုတ်ပါဘူး။ တရုတ်နယ်စပ်ဒေသ အားလုံးကို ခြုံပြီး ယေဘုယျအားဖြင့် ပြောတာဖြစ်ပါတယ်။ ဒီလို ပြောဆိုဆွေးနွေးမှုတွေဟာ ကောင်းမွန်တဲ့ လက္ခဏာတွေဖြစ်ပါတယ်။ ဘာဖြစ်လို့လဲဆိုတော့ မူးယစ်ဆေးဝါး တိုက်ဖျက်ရေးလုပ်ငန်းက အစောပိုင်းက ကျနော် ပြောခဲ့ သလိုပဲ တနိုင်ငံတည်း လုပ်လို့မရပါဘူး။ နိုင်ငံတကာက အားလုံး ဝိုင်းဝန်းလုပ်ဆောင်မှ အောင်မြင်နိုင်မှာပါ။”
မူးယစ်ဆေးဝါး တိုက်ဖျက်ရေး၊ ဘိန်းထုတ်လုပ်မှုလျော့ချနိုင်ရေးစတာတွေမှာ ပူးပေါင်းလုပ်ဆောင်ကြရုံတင်မကဘဲ ဘိန်းအစားထိုးသီးနှံ စိုက်ပျိုးရေးအတွက်လည်း နည်းလမ်းသစ်တွေရှာပြီး ပူးပေါင်း လုပ်ဆောင်သွားမယ်လို့ လက်ထောက်ဝန်ကြီး Brownfield က ပြောပါတယ်။
ဒါ့အပြင် တရားဥပဒေ စိုးမိုးရေးနဲ့ဆိုင်တဲ့ ကဏ္ဍတွေမှာလည်း မြန်မာနိုင်ငံကို အကူအညီပေးဖို့ အစီအစဉ်တွေ ချမှတ်နေပြီလို့လည်း သူက ပြောပါတယ်။ သူ့ရဲ့ ဒီခရီးစဉ်အတွင်း ဆွေးနွေး ပြောဆိုမှုတွေဟာ ပထမအဆင့်သာရှိသေးပြီး အသေးစိတ် ဆွေးနွေးတာအပါအ၀င် လုပ်ငန်း အကောင်အထည်ဖော်ရေးကိစ္စတွေ အများကြီး လုပ်ဆောင်ဖို့ လိုသေးတယ်လို့ သူက ပြောပါတယ်။ လက်ထောက်ဝန်ကြီး Brownfield ဟာ ညနေပိုင်းမှာ ဒေါ်အောင်ဆန်းစုကြည်နဲ့ တွေ့ဖို့ စီစဉ်ထားပြီး ဒီကနေ့ မြန်မာပြည်က ပြန်လည် ထွက်ခွာမှာ ဖြစ်ပါတယ်။
ငြိမ်းချမ်းရေးအတွက် နိုင်ငံရေးအဖြေရှာဖို့ SSA (တောင်ပိုင်း) လိုလား
့ရှမ်းပြည်နယ်မြောက်ပိုင်း လားရှိုးမြို့ကိုရောက်ရှိနေတဲ့ ပြည်ထောင်စုလွှတ်တော်နာယက သူရဦးရွှေမန်းနဲ့အဖွဲ့ဟာ ဒီကနေ့ အပစ်ရပ် လက်နက်ကိုင် အဖွဲ့ဖြစ်တဲ့ ရှမ်းပြည်တိုးတက်ရေးပါတီ SSPP/SSA မြောက်ပိုင်းအဖွဲ့နဲ့ တွေ့ဆုံပါတယ်။ ဒီတွေ့ဆုံပွဲမှာ လွှတ်တော်ပြင်ပမှာ နိုင်ငံရေး တွေ့ဆုံဆွေးနွေးပွဲ ကျင်းပပြီး မြန်မာပြည်ရဲ့ နိုင်ငံရေးပြသနာတွေ ဖြေရှင်းရေးကို အလေးထားတင်ပြခဲ့တယ်လို့ SSPP/SSA မြောက်ပိုင်းအဖွဲ့ရဲ့ ပြောခွင့်ရသူက ပြောပါတယ်။ ဒီသတင်းကိုတော့ ဗွီအိုအေ မြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။
ပြည်ထောင်စုလွှတ်တော်နာယက ရှမ်းပြည်တိုးတက်ရေးပါတီ SSPP/ SSA ကိုယ်စားလှယ်အဖွဲ့နဲ့ လားရှိုးအခြေစိုက် အရှေ့မြောက်တိုင်း စစ် ဌာနချုပ်က ရွှေလီရိပ်သာမှာ ဒီကနေ့မနက် ၈ နာရီကနေ တနာရီခွဲလောက်ကြာအောင် ဆွေးနွေးခဲ့ကြတာဖြစ်ပါတယ်။
ဒီဆွေးနွေးပွဲမှာ သူရဦးရွှေမန်းနဲ့အဖွဲ့ဘက်က ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီ ဒုဥက္ကဋ္ဌ ဦးသိန်းဇော်၊ ကာကွယ်ရေး ဝန်ကြီး ဌာနက ဒုဗိုလ်ချုပ်ကြီးအောင်သိန်းထွဋ်၊ အရှေ့မြောက်တိုင်းစစ်တိုင်းမှူးနဲ့ လွှတ်တော်ရေးရာကော်မတီဝင်ဥက္ကဋ္ဌတွေ ပါဝင် တက်ရောက်ခဲ့သလို SSPP/SSA မြောက်ပိုင်းဘက်ကတော့ အဖွဲ့ရဲ့ နာယက ဗိုလ်ချုပ်ဆေထင်ဦးဆောင်တဲ့ ကိုယ်စားလှယ် ၅ ယောက် တက်ရောက်ခဲ့တာဖြစ်ပါတယ်။
ဒီဆွေးနွေးပွဲမှာ ရှမ်းတပ်ဖွဲ့ဘက်က အလေးထားဆွေးနွေးတဲ့ အကြောင်းအရာတွေကို SSPP/SSA မြောက်ပိုင်းရဲ့ ပြောရေးဆိုခွင့်ရှိသူ ဗိုလ်မှူး စိုင်းလက အခုလို ပြောပါတယ်။
“ကျနော်တို့တင်ပြတာက အလုံးစုံအပစ်အခတ်ရပ်စဲရေးလက်မှတ်ထိုးဖို့ အောက်တိုဘာလထဲမှာ ကျင်းပမယ်လို့တော့ ကြားတယ်လေ။ အဲဒါကို ကျနော်တို့က ကြိုဆိုပါတယ်။ ဒါပေမဲ့ ကျနော်တို့ ခံယူတာက ကျနော်တို့ အပစ်အခတ်ရပ်စဲရေး လက်မှတ်ထိုးပွဲထက် ကျနော်တို့အားလုံး ပါဝင်နိုင်တဲ့ နိုင်ငံရေး ဆွေးနွေးအဖြေရှာရေးကို လုပ်ရင် ပိုပြီးကောင်းမယ်လို့ ကျနော်တို့ တင်ပြတာပေါ့နော်။ ဆိုလိုတာက-အဲဒီ အစိုးရရယ်၊ လွှတ်တော်ရယ်၊ တပ်မတော်ရယ်၊ နိုင်ငံရေးပါတီတွေရယ်၊ လက်နက်ကိုင်တိုင်းရင်းသားတွေရယ်၊ ပြည်သူ့ကိုယ်စားလှယ်တွေရယ်- နိုင်ငံရေးပြဿနာကို အမြန်ဆုံး ဆွေးနွေးပြီး အဖြေရှာရင်တော့ အပစ်အခတ်ရပ်စဲရေးက သူ့ဟာသူ အလိုလို ဖြစ်သွားမှာ ပါနော်။ အဲဒါကို ကျနော်တို့ တင်ပြတာလေ။”
ဒီဆွေးနွေးပွဲမှာ သူရဦးရွှေမန်းနဲ့အဖွဲ့ဘက်က ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးသိန်းဇော်၊ ကာကွယ်ရေး ဝန်ကြီးဌာနက ဒု-ဗိုလ်ချုပ်ကြီးအောင်သန်းထွဋ်၊ အရှေ့မြောက်တိုင်း စစ်ဌာန ချုပ်၊ စစ်တိုင်းမှူးနဲ့ လွှတ်တော်ရေးရာ ကော်မတီ ဥက္ကဋ္ဌတွေ ပါဝင်တက်ရောက်ခဲ့ သလို SSPP/SSA မြောက်ပိုင်းဘက်ကတော့ အဖွဲ့ရဲ့နာယ ဗိုလ်ချုပ်ဆေထင်ဦးဆောင်တဲ့ ကိုယ်စားလှယ် ၅ ယောက် တက်ရောက်ခဲ့တာဖြစ်ပါတယ်။
အစိုးရဘက်က ပြည်တွင်းငြိမ်းချမ်းရေးကို အကောင်အထည်ဖော်ရာမှာ ပြည်နယ်အဆင့်နဲ့ ပြည်ထောင်စုအဆင့်ဆိုပြီး အဆင့် ၂ ဆင့် သတ်မှတ်ထားပါတယ်။ ပြည်ထောင်စုအဆင့်မှာ အပစ်အခတ်ရပ်စဲပြီးရင် ပါတီထူထောင်ပြီး ရွေးကောက်ပွဲဝင်ဖို့၊ ဖွဲ့စည်းပုံ အခြေခံဥပဒေကို လက်ခံဖို့နဲ့ ပြင်ဆင်မယ်ဆိုရင် လွှတ်တော်တွင်းမှာ အများဆန္ဒနဲ့အညီပြင်ဆင်ဖို့ဆိုပြီး လုပ်ငန်းစဉ် ချမှတ်ထားပါတယ်။
ဒီလုပ်ငန်းစဉ်အရဆိုရင် ၂၀၁၅ ရွေးကောက်ပွဲပြီးမှသာ နိုင်ငံရေးကိစ္စတွေ ဆွေးနွေးနိုင်မှာဖြစ်တာကြောင့် လွှတ်တော်ပြင်ပမှာ ဆွေးနွေးရေးကို တောင်းဆိုတာဖြစ်တယ်လို့ ဗိုလ်မှူးစိုင်းလက ပြောပါတယ်။
“အဲဒီ လွှတ်တော်ထဲ ဝင်ဖို့ဆိုတာက ၂၀၁၅ နောက်ပိုင်းမှ ဖြစ်နိုင်မယ်လေ။ ဘာလို့လဲဆိုတော့ ရွေးကောက်ပွဲက ၂၀၁၅ မှ ကျင်းပမှာနော။ အဲဒါလုပ်ရင်တော့ လိုလားနေတဲ့ နိုင်ငံရေးဆွေးနွေးတဲ့ကိစ္စကို ၂၀၁၅ နောက်ပိုင်းမှ ဖြစ်မယ်လေ။ ခုန ကျနော်ပြောတဲ့အတိုင်းပေါ့။ လွှတ်တော်ပြင်ပ ကနေပြီး ဆွေးနွေးပြီးတော့ ရရှိတဲ့သဘောတူညီချက်ကို ကျနော်တို့ လွှတ်တော်ထဲမှာ အတည်ပြုပြဌာန်းပေးဖို့ပဲဖြစ်စေချင်တာပေါ့။”
ရှမ်းတပ်ဖွဲ့ဘက်က တင်ပြတဲ့ ဆွေးနွေးချက်ကိုတော့ သူရ ဦးရွှေမန်းက အခုလို တုံ့ပြန်ခဲ့တယ်လို့ ဗိုလ်မှူးစိုင်းလက ပြောပါတယ်။
“ဦးရွှေမန်းကလည်း ကျနော်တို့တင်ပြချက်ကို သူက အလေး ထားသွားမယ်လို့တော့ ပြောသွားတာပေါ့နော။ ဒါကလည်း ဖြစ်သင့်ဖြစ်ထိုက်ပါတယ်။ ဒါက ငြိမ်းချမ်းရေးဆိုတာ လူတိုင်းကလည်း လိုချင်နေကြတာကိုး။ တနိုင်ငံလုံးလည်း လိုချင်နေကြတယ်။ အစိုးရလည်း လိုချင်တယ်၊ လွှတ်တော်ကလည်း လိုချင်တယ်၊ တပ်ကလည်းလိုချင်တယ်၊ ဘယ်သူဖြစ်ဖြစ် အဲဒီ ငြိမ်းချမ်းရေးကိုပဲ လိုလားနေတော့ ရအောင်တော့ ညှိနှိုင်းဆောင်ရွက် သွားရမှာပေါ့နော။ ဦးရွှေမန်းလည်း သူက ပြောသွားပါတယ်။”
ဆွေးနွေးပွဲမှာ နှစ်ဘက်တပ်တွေအကြား ဖြစ်ပွားနေတဲ့ တိုက်ပွဲကိစ္စတွေကိုလည်း ဆွေးနွေးခဲ့ပြီး အဲဒီလိုဖြစ်တာကတော့ အပစ်ရပ်ဖို့ လက်မှတ် ထိုးစဉ်မှာ နယ်မြေသတ်မှတ်တာကို တိတိကျကျ မဆောင်ရွက်နိုင်တာကြောင့်ဖြစ်ကြောင်းနဲ့ နယ်မြေသတ်မှတ်ပြီးရင် ပြေလည်သွားမှာဖြစ်ကြောင်း ဦးသိန်းဇော်က ဆွေးနွေးခဲ့တယ်လို့လည်း ပြောပါတယ်။
ရှမ်းပြည်တိုးတက်ရေးပါတီ SSPP/SSA မြောက်ပိုင်းက တင်ပြထားတဲ့ လွှတ်တော်ပြင်ပမှာ တပြည်လုံးပါဝင်တဲ့ နိုင်ငံရေးဆွေးနွေးပွဲ ကျင်းပရေးကို ရှမ်းပြည်ပြန်လည်ထူထောင်ရေးကောင်စီ RCSS/SSA တောင်ပိုင်းနဲ့ ကရင့်အမျိုးသားအစည်းအရုံး KNU က ဒုတိယသမ္မတ ဒေါက်တာ စိုင်းမောက်ခမ်းနဲ့ သြဂုတ်လကုန်က တွေ့ဆုံစဉ်မှာ တင်ပြထားတာဖြစ်ပါတယ်။
အစိုးရဘက်ကတော့ လာမယ့်အောက်တိုဘာလအတွင်းမှာ တပြည်လုံးဆိုင်ရာ အပစ်အခတ်ရပ်စဲရေးကို လက်မှတ်ရေးထိုးပြီး ၂၀၁၄ ခုနှစ် နှစ်ဆန်းပိုင်းမှာ နိုင်ငံရေးဆွေးနွေးပွဲကျင်းပဖို့ ရည်ရွယ်ထားတယ်လို့လည်း သတင်းတွေ ထွက်ပေါ်နေပါတယ်။
Myanmar Kyat Converter
